香港中華基督教青年會

訂閱電子通訊

防疫資訊

為使大眾掌握實用的防疫資訊,本會特意搜羅坊間及專家的防疫建議,推廣正確的防疫知識。部分資訊更以少數族裔語言發布,不分種族,齊心抗疫。

【同心抗疫】

疫情期間,好多低收入家庭都面對失業,陷入經濟困難,每日可能都要為一日三餐而煩惱。有見及此,YMCA佐敦會所派出義工到街市向商販收集剩菜及水果,分發給居於該區劏房戶及有需要家庭,期望大家能守望相助,共渡時艱。我哋會喺香港電台31台《日常八點半》分享呢個計劃嘅點滴,記得收睇啦!

詳情

2020-11-17


【社企網上虛擬展銷會】

疫情之下,你可以足不出戶,只要透過手機或電腦,就可以享受網上虛擬展銷會購物嘅樂趣!YMCA社企 YM Balloon 及 YM Fleur 花樂誰家 參加咗由 HKCSS 香港社會服務聯會 主辦嘅「振興經濟,香港網上虛擬展銷會 2020」。展銷由即日起至12月31日。想睇吓我哋嘅最新產品?即刻click入以下連結,直接去到我哋嘅展銷專頁啦!

詳情

2020-11-16


【消毒雙手正確方法】

除咗帶口罩,外出時我哋仲要經常用酒精搓手液消毒雙手。你又知唔知,點先算係正確嘅消毒雙手正確方法?一齊睇吓YMCA為您準備嘅呢條影片,跟住步驟搓足20秒,手上嘅細菌病毒就走唔甩啦!

詳情

2020-09-15


【正確佩帶口罩】

新冠肺炎普及社區檢測今日完結,每日新確診數字仍然維持雙位數增長。疫情持續,大家唔好鬆懈!日日都要戴嘅口罩,點先算戴得啱呢?YMCA特意準備咗呢條新影片,一步步同您重溫戴口罩嘅正確方法!即刻去片啦!

詳情

2020-09-14


【幫助基層兒童開學】

疫情之下,開學變得不一樣。學童要進行網上學習,電腦、網絡服務變得不可或缺。對於基層家庭而言,各種網上學習配套都會對家庭經濟加添負擔。有見及此,YMCA喺疫情期間特意為基層家庭提供網上學習支援,例如回收舊電腦、派發免費上網SIM咭等。

詳情

2020-09-04


【WE Challenge開估】

上星期嘅WE Challenge大挑戰,你哋搵唔搵到答案呢?想知點破解?即刻去片啦!

詳情

2020-08-11


【暑期Net活動】

就算唔出街,YMCA都可以陪你開心放暑假!我哋各區嘅會所都會推出唔同嘅網上活動,透過Zoom、facebook直播等,同你一齊玩吓、開心吓!今日介紹佐敦會所 嘅幾個網上活動,有興趣參加嘅就快啲打電話去問吓啦!

詳情

2020-08-09


【視像陪你放暑假】

想幫小朋友解下悶,搵d嘢玩吓? 推介大家參加 佐敦會所 嘅Zoom暑期活動啦,有得學嘢、有得玩。想參加好簡單,家長親身嚟中心報名,拎埋材料包返屋企就ok!如果有興趣參加,請致電2781 1411查詢。

詳情

2020-08-09


【WE Challenge,   佐敦大挑戰】

面對疫情,大家都要繼續留家抗疫。不如動吓腦筋,一齊嚟玩《We Challenge 佐敦大挑戰》!即刻去片睇下點玩啦!

詳情

2020-08-07


【Zoom住學手語】

呢個暑假冇得出去玩,不如留喺屋企學啲新技能啦!YMCA聯青聾人中心嘅手語主題學習班開始接受報名啦,就算完全冇學過手語都可以,仲係用Zoom教學,唔使周圍走。名額有限,快啲報名啦!

詳情

2020-08-07


【入營清單】

社區感染個案好似越來越多,萬一被列為密切接觸者,就要到檢疫中心隔離14日。隔離營有提供基本嘅生活用品,例如:電視、電熱水煲、風扇、風筒、衣架、餐具、牙膏牙刷及廁紙等。營內除咗供應一日三餐,可另外領取餅乾、杯麵及紙包飲品。而以下呢啲用品,就最好自己帶去,以備不時之需啦!

詳情

2020-08-06


【暑假陪你玩】

咁辛苦先捱到暑假,點知又係無得出街玩﹗唔使擔心,YMCA學校社工部為你推出陪你在家活動系列,除左陪你玩桌遊、砌模型,仲陪你畫畫兼靜觀,全部免費呀﹗想參加,快啲入嚟報名啦﹗

詳情

2020-08-05


【外賣】

今日開始無堂食,大家lunch食乜?Share上嚟丫!  疫情反覆,一啲行動不便嘅長者,想落街買外賣都唔係咁容易。YMCA社企餐廳青新駅就再次推出「安心送餐服務」,低至HK$30就有一餐,由本餐廳同工直送到戶。

詳情

2020-07-28


【同心抗疫】

熱到三十幾度仲要戴住個口罩,係辛苦嘅!為己為人,大家要堅持,唔好鬆懈呀!

詳情

2020-07-12


【同心抗疫】

疫情似有反彈嘅跡象,大家唔好鬆懈,堅持同心抗疫!YMCA喺過去半年積極進行社區抗疫活動,派發口罩、搓手液、漂白水等物資,亦喺安全嘅情況之下進行探訪,或進行電話訪談,關懐弱勢社群。我哋會繼續同大家一齊抗疫,希望疫情盡快緩和!

詳情

2020-07-10


【好好照顧毛孩】

疫情之下,照顧小寵物有咩要注意?帶狗狗落街散步,有咩防疫方法?家居清潔又應該點做?一齊睇吓註冊獸醫廖漢財嘅小貼士啦!

詳情

2020-06-17


【營養師教你正確抗疫知識】

疫情改變咗大家嘅生活習慣,喺飲食營養上有咩要注意?坊間嘅抗疫偏方,又是否有效?一齊睇吓資深營養師林思為Sylvia Lam 嘅講解啦!

詳情

2020-06-10


【復課需知】

中、小學喺5月27日起分階段復課,雖然疫情有所舒緩,但都唔可以掉以輕心。一齊重溫呢啲防疫小貼士,保持警覺,咪俾病毒有機可乘!

詳情

2020-05-25


【與你同行】

學校無限期停課,經濟環境又唔好,疫情對一家人嘅生活、情緒、健康都帶嚟好多挑戰。YMCA特意整合咗呢份家長資源包,入面有提昇夫婦及親子關係嘅建議、尋求經濟或物資援助嘅方法及抗逆小貼士。快啲Download再share埋俾朋友啦!

詳情

2020-04-21


【全球抗疫】

世界各地YMCA除咗致力於社區進行抗疫工作,亦都經常互相分享實用資訊,共同抗疫。我哋就將一系列抗疫資訊海報分享到@World YMCA ,用簡單易明嘅方式,令大眾更加了解COVID-19,好好保護自己及親人。

詳情

2020-04-13


【持續支援】

全球疫情持續,世界各地YMCA亦堅持支援,繼續服務社區。YMCA Latin America and Caribbean 喺疫情期間持續為當地弱勢社群提供食物等基本物資,共渡時艱。

詳情

2020-04-13


【免墮致肥陷阱】

專家話咳嗽飛沫嘅射程可以有成8米咁遠,又有「禁聚令」,加上要留家工作,不少家庭都會準備大量零食,兼以罐頭及即食麵「充饑」。澳洲註冊營養師兼香港認可營養師學院認可營養師林思為提醒,罐頭及即食麵營養價值低兼高鈉高熱量,大家應少食為妙。

詳情

2020-04-01


【全方位支援學生】

疫情停課期間, 中華基督教青年會小學 為學生準備咗一系列網上學習資源,包括語文、數學、常識、音樂、體育、視藝及生命教育等。學校又為學生提供免費上網卡、Wifi蛋及ipad借用,令學生可以安心在家學習。

詳情

2020-03-31


【口罩保存法】

一般口罩嘅保質期有3至5年,但保存嘅環境就好關鍵,因為口罩受潮就會影響功效!如果口罩無獨立包裝,最好就用密實袋,將一盒口罩分成幾小包,避免口罩受潮或被污染。

詳情

2020-03-20


【注意手機清潔】

大家都知清潔雙手好重要,但其實清潔手機都好重要,因為病毒可以喺光滑物件表面上存活長達7至9日!手機當然唔係用水洗,只要用70%酒精消毒紙巾或手機屏幕專用濕紙巾,輕輕擦拭手機表面就可以,記得避開有孔位置呀!仲有,記得唔好直接向手機噴灑清潔劑,同埋唔好用漂白水抹手機呀。

詳情

2020-03-18


【世界睡眠日】

瞓得好,免疫力都高啲,個人又醒神啲!面對疫情、工作、學業、生活各種壓力,都要提吓自己早啲瞓,俾自己好好休息,好好照顧自己。

詳情

2020-03-13


【漂白水 咪亂裝】

樓下有漂白水派呀,攞個飲品膠樽去裝?NO!有機會釋放毒素!要裝漂白水,就要認住「2」號膠樽。 呢隻HDPE高密度聚乙烯膠樽係比較硬身,樽底會有一條橫接口,兼且有列明回收條碼,一般洗衣液以及個人護理產品都係用呢款膠樽。當然,最好就用返漂白水膠樽就最安心啦!

詳情

2020-03-02


【環保家居清潔法】

屋企有養寵物,唔敢用太多化學清潔劑?你可以用稀釋醋(醋與水比例為1比1)或食用梳打粉(500毫升清水混合兩匙梳打粉)製成環保清潔劑,既能清潔家居又可以確保家中毛孩安全。

詳情

2020-03-01


【愛護大自然】

疫情之下,行山的確係一個放鬆自己,吸吓新鮮空氣嘅好節目。行山記得要做足準備,更重要嘅係,要有保護大自然嘅心,唔好留低垃圾及火種。

詳情

2020-02-26


【深入社區】

受疫症影響青年會各單位只能提供有限度服務,但係咪就咩都做唔到? 天水圍天晴會所 前線同事就為街坊走訪區內各大小商店,第一時間匯報清潔消毒用品嘅貨存情況!

詳情

2020-02-25


【齊心抗疫】

早前有印尼人及印度人先後向有需要人士派發口罩,讓愛傳播。病毒的確無分種族,只有齊心抗疫,先可以打贏呢場仗。多啲關心身邊嘅少數族裔人士,提提佢哋注意手部清潔衛生,避免病從口入。天晴會所就特意準備咗呢條烏都語嘅洗手教學片,Share出去啦!

詳情

2020-02-21


【小心選擇酒精】

提提你!酒精有好多種,買嘅時候記得睇清楚,要揀消毒用嘅酒精嚟清潔家居或者自製搓手液。如果唔小心用錯工業用酒精,後果可以好嚴重!一齊睇下選擇月刊嘅講解。

詳情

2020-02-21


【U形渠管】

除咗洗手﹗洗手﹗洗手﹗仲要記得倒水入廁所U形渠管防病毒散播。但要記住,清水就足夠,唔駛次次都倒漂白水嘅!仲有,唔好為咗殺菌就用高濃度漂白水清潔間屋,影響環境之餘更有機會中毒呀! 一齊睇下中大生命科學學院副教授陳竟明嘅講解。

詳情

2020-02-19


【Home Office, Home Learning】

Work from home唔係咁易嘅!對於好多家長嚟講,WFH最大嘅挑戰係先要安排好仔女嘅活動。坊間有好多網上學習資源同遊戲,家長們不妨好好利用。

詳情

2020-02-17


【U型排水管】

鍾南山團隊再次證實新型冠狀病毒肺炎患者嘅排泄物含有病毒,為咗進一步防止疫情蔓延,大家都要做好U型排水管嘅保養。一齊參考 #衞生署衞生防護中心 嘅小貼士啦!

詳情

2020-02-15


【無晒洗手液點算?】

疫情持續,市面口罩、洗手液被搶購一空,若然買唔到洗手液,不妨改用番梘。有學者試過將大腸桿菌及綠膿桿菌種喺番梘上,然後搵16個人用有菌梘洗手,但洗完手後,竟然各人雙手都無菌﹗雖然番梘及水不能殺病毒,但無論世衛、國家疾病預防控制中心以及美國疾病控制預防中心 ,都有建議市民以番梘及流水洗手,沖走啲細菌同病毒,以減低傳播機會。

詳情

2020-02-12


【口罩密碼】

經常有人問:你戴嗰個口罩係PFE 還是BFE嚟?呢啲口罩密碼代表乜?我哋一齊溫習一下啦!

詳情

2020-02-11


【消毒酒精】

為防肺炎病毒,好多人都買咗高濃度酒精旁身,但消毒還消毒,留意返酒精係易燃嘅! 小心使用消毒酒精:

  1. 切忌在室內以噴灑方式消毒,應採取擦拭方法,並保持室內通風。
  2. 不要往身上噴灑酒精,衣服靜電也有可能引發燃燒。
  3. 室外噴灑消毒酒精濃度亦不能太高,減低遇上明火產生的風險。
  4. 吸煙人士要格外小心,煙蒂要徹底弄熄及不能亂掉,碰上酒精後果不堪設想。

詳情

2020-02-20


【防疫基本功】

日日睇住個新型肺炎確診數字,真係令人擔心!面對疫情,其實有好多基本嘢可以做,例如注意家居清潔、到人多嘅地方戴口罩等。睇落好似好簡單,只要做到足,就可以有效降低傳染風險。一齊睇下衞生署衞生防護中心嘅建議,從生活各方面著手對抗疫症!

【防疫資訊】

2020-02-20


【防疫貼士】

疫情發展難以預計,能夠掌握更多有用資訊,對防疫工作有一定幫助。如果你身邊有少數族裔、外籍家庭僱工等唔熟識中文嘅朋友,不妨分享以下由衛生署發放嘅正確洗手方法及佩戴口罩指引俾佢哋,增強大家嘅防疫意識。
(印尼文版) https://www.chp.gov.hk/tc/wapdf/34122.html?page=1
(泰文版) https://www.chp.gov.hk/tc/wapdf/34138.html
(菲律賓文版) https://www.chp.gov.hk/tc/wapdf/34134.html
(尼泊爾文版) https://www.chp.gov.hk/tc/wapdf/34126.html?page=1
(印度文版) https://www.chp.gov.hk/tc/wapdf/34113.html?page=1
(巴基斯坦文版) https://www.chp.gov.hk/tc/wapdf/34132.html

詳情

2020-01-30


【勤洗手】

身體健康真係好重要,大家都要好好保護自己,除咗出入戴口罩之外,亦都要勤洗手,盡量避免用手接觸眼、口、鼻。如果家中有小朋友及老人家,就更要格外小心,提醒家人多做清潔消毒,防止疾病傳播。

詳情

2020-01-29