香港中華基督教青年會

訂閱電子通訊

免疫專頁

情緒支援

疫情期間,本會輔導組準備了一系列情緒輔導資訊,以簡單實用的方式助大眾舒緩面對疫情所帶來的壓力,在心靈上提供支援。

【專家意見】

停課已經超過一個月,家長除咗要安排仔女嘅學習及活動,亦要細心觀察佢哋嘅情緒表現。一齊睇下YMCA臨床心理學家Rachel嘅講解及建議啦!

詳情

2020-03-10


【呼吸】

呼吸都要學?係呀﹗學習適當調節我哋嘅呼吸節奏,能夠幫助我咃穩定情緒。學定一招半式,下次面對壓力嘅時候都不妨試吓丫﹗

詳情

2020-03-09


【睡眠質素】

原來睡眠質素長遠對於精神健康及免疫力都有影響。如果自己或者身邊嘅人有訓得唔好嘅情況,都可以參考吓呢啲建議,希望幫到大家啦﹗

詳情

2020-03-07


【爸爸媽媽,辛苦你啦】

作為家長嘅你,收到不早於4月20日復課嘅消息,可能最擔心都係照顧子女嘅安排。照顧人嘅同時都要好好照顧自己丫!我哋喺度都代小朋友同家長講聲:「爸爸媽媽,辛苦你啦!」

詳情

2020-03-04


【讓自己多一份安心】

生活上可能有好多事情都會影響我哋嘅心情,一齊學習將專注放在可控制嘅事情上,讓自己多一份安心。

詳情

2020-02-25


【情緒支援小錦囊 – 成人篇(續)】

今集我哋希望同大家分享一啲處理壓力嘅小方法,簡單幾分鐘,就可以為自己嘅心靈充充電,希望大家身心靈都健健康康!

詳情

2020-02-20


【情緒支援小錦囊 – 成人篇】

喺疫情下忙亂嘅生活當中,我哋最容易忽略嘅就係 – 自己﹗邀請大家一齊睇住今集情緒支援小錦囊,留意一下自己有冇呢啲身體嘅警號。照顧其他人嘅同時,記得都要好好關顧自己﹗

詳情

2020-02-18


【自我舒緩】

趁住週末,大家不妨都參考呢啲自我舒緩嘅方法,適時照顧一下自己情緒上嘅需要。

詳情

2020-02-16


【情緒支援小錦囊– 子女篇(二)】

坊間有咁多疫情相關嘅資訊,究竟講幾多俾小朋友知好呢?太多又驚引起佢哋嘅焦慮,太少又驚佢哋對疫情一知半解,點算好呢?今集情緒支援小錦囊繼續有YMCA輔導組同大家分享一下點樣同小朋友分享有關疫情嘅資訊。

詳情

2020-02-14


【情緒支援小錦囊 – 子女篇】

小朋友未經歷過疫症,睇到新聞嘅消息、家長嘅反應,或多或少會有疑問,情緒亦可能被影響。YMCA 輔導組特意準備一連4集情緒支援小錦囊,以聲畫導航,助你應對大人同小朋友面對疫情情緒壓力。

詳情

2020-02-12


【心靈抗逆】

今次為大家介紹嘅兩本書,有助大家面對焦慮及放下情緒執念,讓自己在逆境中多一點正念。
1. 適合常感莫名焦慮害怕的人:【別再恐懼自己的恐懼:25個恐懼的治療與自療】 方婷著
2. 適合過度思維、分析與批判自己的人:【正念情緒療法:放下你的情緒執念, 重新啟動你的人生, 實現你的內在價值】 唐納.阿特曼(Donald Altman)著
公共圖書館 - 電子書 (登入,揀選 HyRead 電子書)
公共圖書館 - HyRead 電子書 (使用方法

詳情

2020-02-09


【同理心】

發揮同理心,一齊關懷有需要嘅人!

詳情

2020-02-08


【照顧自己】

大家都要好好照顧自己!

詳情

2020-02-07


【心靈抗逆】

今日為大家介紹兩本有關人際關係嘅書。如果關係之中感到受傷害、唔開心,可以點樣處理呢?大家可以從書本中尋找一點啟示。
公共圖書館 - 電子書 (登入,揀選 HyRead 電子書)
公共圖書館 - HyRead 電子書 (使用方法)

詳情

2020-02-05


【抗疫‧身心靈】

疫症突然迫近,每日接受大量資訊真假難分,又要四出買口罩、消毒用品,又要準備仔女停課期間嘅安排。擔心、緊張、失落、憤怒,種種情緒令人唞唔過氣。大家除咗專注防疫之餘,亦要好好照顧自己及家人嘅身心靈健康。大家不妨每晚抽5-10分鐘時間,暫時遠離手機、電視,以靜坐、寫日記或默想靈修等方式,俾自己一段安寧嘅時間,甚至只是花數分鐘專注自己嘅一呼一吸,都可以帶來內心一點平靜,為心靈充充電。

詳情

2020-02-05


【心靈抗逆】

今日介紹嘅三本書適合經常覺得自己唔夠好,人際關係中容易感到不安,無法相信別人嘅朋友。同家人、朋友之間嘅愛與信任,係面對逆境嘅一大支持。希望呢兩本書可以為大家帶來啟發,對自己、對人際關係有新嘅體會。

  1. 【童年的傷, 情緒都知道:26個練習, 擁抱內在陰鬱小孩, 掙脫潛藏的家庭創傷陰影, 找回信任與愛】 史蒂芬妮.史塔爾(Stefanie Stahl)著
  2. 【被討厭的勇氣:人生幸福的行動指南, 二部曲完結篇】岸見一郎, 古賀史健著
  3. 【情緒傷害的醫治】 黃麗彰著
公共圖書館 - 電子書 (登入,揀選 HyRead 電子書)
公共圖書館 - HyRead 電子書 (使用方法)

詳情

2020-02-04


【心靈抗逆】

面對疫情大家都減少外出。多咗時間喺屋企,除咗陪伴家人之外,你亦可足不出戶,為自己嘅心靈充充電。YMCA輔導組精選一系列關於情緒嘅香港公共圖書館電子資源,幫助大家面對情緒壓力,逆境自強。 每個人面對嘅情緒壓力都唔同,我哋會分開幾個類別,逐一介紹合適嘅心靈讀物。今日先介紹以下兩本:*適合常感自卑、悲觀、自責的人*

  1. 【勇敢做自己】 伍詠光著
  2. 【喜有恥理】 黃麗彰著
公共圖書館 - 電子書 (登入,揀選 HyRead 電子書)
公共圖書館 - HyRead 電子書 (使用方法)

詳情

2020-02-03


健體運動

運動是強身健體的不二法門,本會各個康體會所於疫症期間,以影片及圖解等方式,教授可於家中進行的健體運動,讓大眾足不出戶,亦能保持強健體魄。

【齊運動 保健康 – 物理治療篇(2)】

成日用電腦手機,覺得腰背好痛? 九龍會所物理治療師Daniel 教大家幾招強化腰背,等我地繼續keep moving,keep 住健康!每個動作保持30秒至1分鐘就可以!

詳情

2020-03-23


【齊運動 保健康 – 成人篇 (2)】

我哋今次提升動作難度,仲有唔同變化,等你做運動,愈做愈起勁。唔好講咁多啦,即該起身郁吓啦!Keep moving , stay healthy!

詳情

2020-03-16


【齊運動 保健康 – 物理治療篇】

Home Office 做嘢做到腰酸背痛?可能同長期坐喺度,保持同一姿勢有關,不如起身鬆一鬆啦!今次搵左九龍會所物理治療師Daniel 教你幾招,每個動作保持一分鐘就可以!等我地Home Office都繼續keep moving,keep住健康!

詳情

2020-03-12


【齊運動 保健康 – 成人篇】

運動唔洗落街嘅,係屋企都做到啦!今次想介紹下用水樽、櫈及身體重量,輕鬆鍛煉手臀肌肉。咁簡單,一齊試下啦! Keep moving , stay healthy!

詳情

2020-03-11


【齊運動 保健康 – 兒童篇】

小朋友,一齊嚟做運動啦!

詳情

2020-03-03


【長者健腦運動】

嚟到健腦運動第三式,柴灣長者鄰舍中心 嘅甘Sir同大家示範「感覺統合訓練」,幫長者們鍛練空間及重量感,大家跟住一齊做啦!

詳情

2020-02-27


【保持運動 無懼疫情 - 成人篇】

之前同大家分享咗幾項運動,有冇跟住做呢?今日我哋再推介多幾個動作,等大家運動嗰陣可以多啲變化,留係屋企都繼續keep fit,keep 住健康!

詳情

2020-02-27

【長者健腦運動】

柴灣長者鄰舍中心 嘅甘Sir今日會同大家分享健腦運動第二式:「左右腦協調運動」。左手出拳、右手出掌,日日做保持精靈頭腦!嚟緊仲有第三式,記得留意呀!

詳情

2020-02-26


【長者健腦運動】

疫情持續,長者們少咗出街,除咗要保持身體健康,仲要保持腦力! 柴灣長者鄰舍中心 嘅甘Sir會為大家示範三套醒神醒腦嘅健腦運動,今日先送上「簡易健腦五式」!

詳情

2020-02-24


【現場直播】

燃燒脂肪機會嚟啦!今日起一連五日4pm,烏溪沙青年領袖及全人發展中心有「體能王」之稱嘅李Sir將會率領大家做體能訓練,每日只需10分鐘,再冇偷懶嘅藉口啦!

詳情

2020-02-23


【齊運動 保健康 - 體弱人士篇】

好多體弱人士都擔心做運動會整傷自己,但其實只要量力而為去運動,對身體有好多好處!今日介紹一套只要簡單2個水樽就做到嘅運動,一齊試吓啦!

詳情

2020-02-20


【勤做運動】

除左戴口罩,保護自己免受病菌侵襲外,勤做運動提升體質都好緊要!運動有助增強身體免疫力,抵抗病菌,自然可以保持有效抗疫啦!一齊睇吓YMCA一級物理治療師黃Sir嘅講解啦!

詳情

2020-02-19


【齊運動 保健康】

日日留喺屋企,唔係訓就係食,好悶嘅,不如一齊動動body轉轉腰啦!每日抽少少時間,叫埋屋企人一齊Keep住運動,Keep住Fit。到 新界會所 fb專頁留低你嘅運動影片,仲有機會攞禮物,即刻行動啦!

詳情

2020-02-17


【齊運動 保健康 – 兒童篇】

小朋友︰呢排雖然唔駛番學,但又唔可以出街,好悶呀! 媽媽︰得閒就溫下書、做下補充啦!日日係度打機、訓覺、日食夜食,你睇下你呀,愈黎愈肥啦! 唔想咁樣,可以點樣?不如跟我地一齊喺屋企做運動啦!你睇下做運動既小朋友幾精力充沛,Come on & Join us! 註︰運動需量力而為,有需要應諮詢家庭醫生意見。

詳情

2020-02-13


【齊運動 保健康 – 長者篇】

為咗防範疫情,各位老友記怕外出做晨運,多咗時間留係屋企,但都唔好偷懶喎!因為要增加免疫力,抵抗病菌,每日都保持運動係唔少得嘅!其實係屋企做運動都可以好多變化,今日就教大家點樣用一張櫈嚟做運動。依家就一齊跟住做啦! 註︰運動需量力而為,有需要應諮詢家庭醫生意見。

詳情

2020-02-11


【健康無價】

新型肺炎疫情難以預計大家可能都少咗外出,亦減少咗做運動。其實,做運動可以幫助我哋增強身體嘅抵抗力,係好重要㗎。大家可以跟住我哋嘅康體教練,一齊喺屋企做運動,keep住健康體魄!

詳情

2020-01-28


防疫資訊

為使大眾掌握實用的防疫資訊,本會特意搜羅坊間及專家的防疫建議,推廣正確的防疫知識。部分資訊更以少數族裔語言發布,不分種族,齊心抗疫。

【口罩保存法】

一般口罩嘅保質期有3至5年,但保存嘅環境就好關鍵,因為口罩受潮就會影響功效!如果口罩無獨立包裝,最好就用密實袋,將一盒口罩分成幾小包,避免口罩受潮或被污染。

詳情

2020-03-20


【注意手機清潔】

大家都知清潔雙手好重要,但其實清潔手機都好重要,因為病毒可以喺光滑物件表面上存活長達7至9日!手機當然唔係用水洗,只要用70%酒精消毒紙巾或手機屏幕專用濕紙巾,輕輕擦拭手機表面就可以,記得避開有孔位置呀!仲有,記得唔好直接向手機噴灑清潔劑,同埋唔好用漂白水抹手機呀。

詳情

2020-03-18


【世界睡眠日】

瞓得好,免疫力都高啲,個人又醒神啲!面對疫情、工作、學業、生活各種壓力,都要提吓自己早啲瞓,俾自己好好休息,好好照顧自己。

詳情

2020-03-13


【漂白水 咪亂裝】

樓下有漂白水派呀,攞個飲品膠樽去裝?NO!有機會釋放毒素!要裝漂白水,就要認住「2」號膠樽。 呢隻HDPE高密度聚乙烯膠樽係比較硬身,樽底會有一條橫接口,兼且有列明回收條碼,一般洗衣液以及個人護理產品都係用呢款膠樽。當然,最好就用返漂白水膠樽就最安心啦!

詳情

2020-03-02


【環保家居清潔法】

屋企有養寵物,唔敢用太多化學清潔劑?你可以用稀釋醋(醋與水比例為1比1)或食用梳打粉(500毫升清水混合兩匙梳打粉)製成環保清潔劑,既能清潔家居又可以確保家中毛孩安全。

詳情

2020-03-01


【愛護大自然】

疫情之下,行山的確係一個放鬆自己,吸吓新鮮空氣嘅好節目。行山記得要做足準備,更重要嘅係,要有保護大自然嘅心,唔好留低垃圾及火種。

詳情

2020-02-26


【深入社區】

受疫症影響青年會各單位只能提供有限度服務,但係咪就咩都做唔到? 天水圍天晴會所 前線同事就為街坊走訪區內各大小商店,第一時間匯報清潔消毒用品嘅貨存情況!

詳情

2020-02-25


【齊心抗疫】

早前有印尼人及印度人先後向有需要人士派發口罩,讓愛傳播。病毒的確無分種族,只有齊心抗疫,先可以打贏呢場仗。多啲關心身邊嘅少數族裔人士,提提佢哋注意手部清潔衛生,避免病從口入。天晴會所就特意準備咗呢條烏都語嘅洗手教學片,Share出去啦!

詳情

2020-02-21


【小心選擇酒精】

提提你!酒精有好多種,買嘅時候記得睇清楚,要揀消毒用嘅酒精嚟清潔家居或者自製搓手液。如果唔小心用錯工業用酒精,後果可以好嚴重!一齊睇下選擇月刊嘅講解。

詳情

2020-02-21


【U形渠管】

除咗洗手﹗洗手﹗洗手﹗仲要記得倒水入廁所U形渠管防病毒散播。但要記住,清水就足夠,唔駛次次都倒漂白水嘅!仲有,唔好為咗殺菌就用高濃度漂白水清潔間屋,影響環境之餘更有機會中毒呀! 一齊睇下中大生命科學學院副教授陳竟明嘅講解。

詳情

2020-02-19


【Home Office, Home Learning】

Work from home唔係咁易嘅!對於好多家長嚟講,WFH最大嘅挑戰係先要安排好仔女嘅活動。坊間有好多網上學習資源同遊戲,家長們不妨好好利用。

詳情

2020-02-17


【U型排水管】

鍾南山團隊再次證實新型冠狀病毒肺炎患者嘅排泄物含有病毒,為咗進一步防止疫情蔓延,大家都要做好U型排水管嘅保養。一齊參考 #衞生署衞生防護中心 嘅小貼士啦!

詳情

2020-02-15


【無晒洗手液點算?】

疫情持續,市面口罩、洗手液被搶購一空,若然買唔到洗手液,不妨改用番梘。有學者試過將大腸桿菌及綠膿桿菌種喺番梘上,然後搵16個人用有菌梘洗手,但洗完手後,竟然各人雙手都無菌﹗雖然番梘及水不能殺病毒,但無論世衛、國家疾病預防控制中心以及美國疾病控制預防中心 ,都有建議市民以番梘及流水洗手,沖走啲細菌同病毒,以減低傳播機會。

詳情

2020-02-12


【口罩密碼】

經常有人問:你戴嗰個口罩係PFE 還是BFE嚟?呢啲口罩密碼代表乜?我哋一齊溫習一下啦!

詳情

2020-02-11


【消毒酒精】

為防肺炎病毒,好多人都買咗高濃度酒精旁身,但消毒還消毒,留意返酒精係易燃嘅! 小心使用消毒酒精:

  1. 切忌在室內以噴灑方式消毒,應採取擦拭方法,並保持室內通風。
  2. 不要往身上噴灑酒精,衣服靜電也有可能引發燃燒。
  3. 室外噴灑消毒酒精濃度亦不能太高,減低遇上明火產生的風險。
  4. 吸煙人士要格外小心,煙蒂要徹底弄熄及不能亂掉,碰上酒精後果不堪設想。

詳情

2020-02-20


【防疫基本功】

日日睇住個新型肺炎確診數字,真係令人擔心!面對疫情,其實有好多基本嘢可以做,例如注意家居清潔、到人多嘅地方戴口罩等。睇落好似好簡單,只要做到足,就可以有效降低傳染風險。一齊睇下衞生署衞生防護中心嘅建議,從生活各方面著手對抗疫症!

【防疫資訊】

2020-02-20


【防疫貼士】

疫情發展難以預計,能夠掌握更多有用資訊,對防疫工作有一定幫助。如果你身邊有少數族裔、外籍家庭僱工等唔熟識中文嘅朋友,不妨分享以下由衛生署發放嘅正確洗手方法及佩戴口罩指引俾佢哋,增強大家嘅防疫意識。
(印尼文版) https://www.chp.gov.hk/tc/wapdf/34122.html?page=1
(泰文版) https://www.chp.gov.hk/tc/wapdf/34138.html
(菲律賓文版) https://www.chp.gov.hk/tc/wapdf/34134.html
(尼泊爾文版) https://www.chp.gov.hk/tc/wapdf/34126.html?page=1
(印度文版) https://www.chp.gov.hk/tc/wapdf/34113.html?page=1
(巴基斯坦文版) https://www.chp.gov.hk/tc/wapdf/34132.html

詳情

2020-01-30


【勤洗手】

身體健康真係好重要,大家都要好好保護自己,除咗出入戴口罩之外,亦都要勤洗手,盡量避免用手接觸眼、口、鼻。如果家中有小朋友及老人家,就更要格外小心,提醒家人多做清潔消毒,防止疾病傳播。

詳情

2020-01-29


抗疫小點子

市民大眾為防疫情蔓延,大都減少外出。本會特意預備一系列「抗疫‧小點子」,提供一些簡單有趣的親子活動,讓家長們可善用這次與孩子共聚的時光。

【積木創作故事】

大家都話停課不停學,但對於某啲家長同小朋友,實在係說易行難,本會 #康怡會所 家長徐太話,佢就讀初小嘅小朋友只鍾意睇電視、上網、玩積木。佢就想到鼓勵小朋友用積木創作故事,一來發揮創意,二來訓練她寫作。

詳情

2020-03-26


【親子溝通大忌】

黃傳經學生發展中心早前同大家分享咗一啲有助親子溝通嘅小技巧,大家有冇活學活用呢?運用得宜確實可以提升親子關係,但相反,以下溝通方式則有機會帶嚟反效果︰

  1. 連珠砲式問題 - 例:「呢個咩黎㗎?」「呢個點做呀?」「呢個英文點講?」
  2. 封閉式問題 - 例:「有無呀?」「要唔要?」「好唔好?」
  3. 命令式 - 例:「唔係咁玩㗎!」「你放上去啦!」「毛巾唔可以咁用!」

 

詳情

2020-03-25


【可愛樹熊】

聽障義工Mary姐姐教大家以簡單線條畫出可愛樹熊,希望大家抗疫之餘,都要不忘記受澳洲山火影響嘅動物,注重環保。

詳情

2020-03-24


【YM小教室】

停課可能又要延長?唔怕!@中華基督教青年會葵涌幼稚園 為小朋友準備咗一系列教學影片,由充滿愛心嘅老師們親自製作,令同學仔愉快學習。 喺疫情之下,小朋友更加要注意健康飲食,跟住健康飲食金字塔,食多啲有益有營養嘅食物。即刻去片,一邊學英文,一邊學習健康飲食啦!

詳情

2020-03-20


【玩具DIY】

小朋友日日喺屋企,玩到冇嘢好玩?又點會呢!有創意,乜都可以係玩具。一齊跟住我哋嘅義工小組MUD,用簡單材料製作好玩玩具啦!

詳情

2020-03-19


【趣緻動物造型麵包】

繼布甸燒後,親子義工Hoiki同囡囡Bel Bel又出動嘞,今次教大家搓趣緻動物造型麵包,任你發揮創意,砌個動物園出嚟都可以啊!

詳情

2020-03-17


【親子溝通必學】

喺屋企玩遊戲原來都可以幫助小朋友嘅語言發展,多啲運用以下4個親子溝通技巧,小朋友嘅語言就會更加進步喇!

詳情

2020-03-17


【三色芋圓】

自己動手做三色芋圓,好食又好玩!芋圓近年備受追捧,軟糯彈牙嘅口感風靡全港,原來煮法不難,喺屋企都可以整到美味嘅芋圓。今日小食神梓豪教大家煮色、香、味俱全嘅台式古祖風味甜品!

詳情

2020-03-13


【學繪畫‧學手語】

聽障義工Mary姐姐再次出場教大家畫畫,上次畫完醫生後,今次一齊學畫護士,記得將你嘅作品貼喺回應,為護士加油!

詳情

2020-03-12


【學繪畫‧學手語】

聽障義工Mary姐姐再次出場教大家繪畫,一齊嚟學畫醫生,然後將上你嘅作品貼喺回應,為醫生加油!

詳情

2020-03-10


【感激】

前線醫護無論面對幾大壓力,都以專業精神守護香港!你想對醫護人員,或者喺不同崗位上努力對抗疫情嘅人深表謝意?社企花樂誰家YM Fleur 教你製作保鮮花心意咭!

詳情

2020-03-06


【布甸燒】

疫情期間,要盡量避免外出,又唔敢出街食飯,但即使喺屋企都可以食得開心食得好。想喺屋企都有去咗北海道嘅感覺,一於跟親子義工Hoiki同囡囡Bel Bel學整札幌名物布甸燒。第二個胃準備好未?

詳情

2020-03-05


【關愛社區】

YMCA於疫情期間一直心繫社區,同大家齊心抗疫。感謝一眾企業伙伴、善心人士嘅支持及捐助,我哋成功收集到各種抗疫物資,包括:口罩、洗手液、食品等。早前,#柴灣會所 同工就走到區內屋邨,派發防疫福袋,將關愛傳遍社區。

詳情

2020-03-05


【神奇的水】

大家都會知道,水同油係溝唔埋嘅。但如果係兩杯水呢?有冇方法令到兩杯水溝唔埋呢?一齊嚟做呢個小實驗,試試得唔得丫!

詳情

2020-03-04


【招募義工點子】

教育局宣布停課日子延至4月中,喺屋企有咩好做呀?跟住YM Volunteer@Home 做義工啦! 咩話?喺屋企都可以做義工?冇錯!只要將你嘅抗疫idea變成影片、相片、文字、圖畫,你就可以喺屋企,以義工嘅身份為大眾抗疫打打氣,又或者分享在家親子活動、身心靈健康活動等,透過YMCA各個平台,將你嘅愛心傳送到社區。

詳情

2020-03-03


【秒速摺衫】

天氣時凍時熱,冬季及夏季既衫堆到一屋都係,小義工柏澄今日教大家秒速摺衫方法,去片!

詳情

2020-03-02


【創意衣夾模型】

停課好悶?只要有創意,屋企都有好多嘢玩!將屋企嘅用品變成小玩意,不過記住問准阿媽先呀。

詳情

2020-02-29


【清潔家居】

停課期間,家長們都苦惱在家小孩如何打發時間?不妨叫仔女一起做家居清潔,可幫輕下自己之餘,又可以提升仔女嘅生活技能。全城呼籲要做好家居清潔,齊齊動起來清潔家居由""小""做起!

詳情

2020-02-22


【香蕉蛋糕】

停課期間,可以試試同仔女一齊做蛋糕!呢個香蕉蛋糕,又易做,又好味。

詳情

2020-02-18


【DIY睇戲必備小食】

去唔到戲院睇戲,惟有係屋企睇啦,為咗提升戲院感,除咗將燈光調暗外,仲可以加些香甜脆口既小食。今日就教大家在家炮製睇戲必備小食 - 爆谷!

詳情

2020-02-14


【賞花】

就算下雨天唔方便外出,都可以喺屋企親手製作呢朵遇水即開嘅小花。

詳情

2020-02-13


【盔甲水袋】

停課不停學,留喺屋企嘅時間多咗,不妨同仔女一齊做啲簡單科學實驗。會友William就同大家分享一個簡單小實驗 - 盔甲水袋!

詳情

2020-02-10


【香蕉批】

多咗時間喺屋企,不妨與仔女一起炮製美味小食,既健康又好味,今日我哋嘅會友Jessica & Sophie教大家整香蕉批同屋企人分享!

詳情

2020-02-09


【桌遊】

停課停到3月,仔女喺屋企可以做咩呢?一家人都少咗外出,變相多咗親子時間,不如一家人齊齊玩桌上遊戲啦!YMCA 天晴會所註冊社工Louis Sir同大家分享一家人玩桌遊嘅好處,仲有幾個簡單在家自製嘅桌。

詳情

2020-02-08


為香港祈禱

疫情期間,祈求神垂聽我們禱告,賜下祝福和眷顧世人。

【為香港祈禱】

主,求你教導我, 懷著更大的信心和愛心, 去幫助身邊有需要的人; 特別在這疫情期間, 主動去幫助鄰舍中弱勢群體, 無論是物資、代禱還是問候。

詳情

2020-03-21


【為香港祈禱】

慈愛又仁義的聖天父啊! 祢愛我們是何等的殷切, 在歷代的天災與人禍中, 祢保守人最終平安渡過, 給我們機會作神的兒女, 再次經歷祢奇妙的拯救。

詳情

2020-03-07


【為香港祈禱】

求天父賜我渴慕祢的心! 讓我在這個紛亂的時刻, 保持內心安靜焦點對正, 從天父的愛中支取力量。 也求袮給我敏銳的心靈, 察看出天父美妙的作為。

詳情

2020-02-29


【為香港祈禱】

「我將這些事告訴你們,是要叫你們在我裏面有平安。在世上,你們有苦難;但你們可以放心,我已經勝了世界。」 (約翰福音 16:33)
主耶穌, 多謝祢温柔而有能力的安慰, 我們將自己的重擔交祢手中, 伸手接過祢輕省容易的擔子, 在祢安息和安慰中信心增長。

詳情

2020-02-22


【為香港祈禱】

親愛的主,祢是掌管萬有的主,求祢指導我在嚴峻疫情中緊靠祢。即使消毒用品及日用品未必足夠,我仍能因祢的大能而感到安心。我深知我的生命全在乎祢。

詳情

2020-02-20


【為香港祈禱】

求主幫助我們, 懷著對祢的信心, 去迎接今年各樣的經歷與挑戰; 因為祢曾應許, 祢的眼目會時常看顧著我們! 沒有人,知道明天會如何; 但我們,知道祢掌管明天。 即使,有些事情不是隨我們心所願; 但是,深信一切背後必有祢的美意。 求,祢幫助我們學習在任何境況中; 仍,相信祢不變的應許,並能凡事… 感恩和讚美! 奉主耶穌的名禱告,阿們。

詳情

2020-02-15


【天祐全球】

新型冠狀病毒感染肺炎肆虐,至今已奪去全球超過八百性命。祈求神垂聽我們禱告,賜下祝福和眷顧世人。 同心抗疫,加油! 「我們在一切患難中,祂就安慰我們,叫我們能用上帝所賜的安慰去安慰那遭各樣患難的人。」(哥林多後書1:4)

詳情

2020-02-10


與企業齊抗疫

【疫症無情,香港有情!】

近月本港由新型冠狀病毒引起之疫情日漸嚴重,抗疫物資短缺,社會基層急需援助。有見及此,本會積極與各界聯繫,搜羅防疫物資,感謝以下公司/機構於此緊急期間,樂於捐款或捐贈物資予本會,轉贈予有需要的弱勢社群,同心抗疫。

 

鳴謝〈排名不分前後〉:

  1. 先達國際貨運有限公司 
  2. 古天樂慈善基金
  3. 西北聯青社
  4. 恆華(香港)裝飾工程有限公司
  5. 恒生銀行
  6. 香港八番有限公司
  7. 香港中文大學 ICare
  8. 香港德國萊茵技術監護顧問股份有限公司
  9. 香港醫學會 
  10. 康麟國際有限公司
  11. 富城集團
  12. 新界東獅子會
  13. 歐達家具有限公司(茲曼尼)
  14. 鴻福堂集團有限公司
  15. 胤澤善業分享協會
  16. 新界國際聯青社
  17. 香港浸會大學中醫藥慈善基金
  18. 敬老護老愛心會
  19. 現代貨箱碼頭有限公司
  20. 立即捐助

    「讓愛‧分享」防疫支援平台

    本港新型冠狀病毒疫情持續,社會各階層均對口罩等防疫物資需求殷切,本會誠邀各企業/機構伸出緩手,捐款*或捐贈物資#予本會轉贈各有需要人士,如長者、低收入家庭及小數族裔等,為他們提供即時的防疫支援,共渡時艱。

     

    捐助

     

    詳情查詢: 2783 3370

     

    備註

    *:捐款若捐款一百元或以上,本會將發放正式收據,可憑收據申請扣稅。

    #:捐贈物資要求:

    • 全新的合規格3層外科口罩
    • 酒精搓手液 (≥70%酒精成分)
    • 酒精消毒紙巾或其他