Chinese YMCA of Hong Kong

Languages

Subscribe Newsletter

Only Available in Chinese

青年Up!

「青年UP」聚焦青年人熱話,無論是升學、就業,或者是個人發展、興趣等,你都可以在此找到合適的資訊。

【Chill Guide•人際關係】

最後一集Chill Guide將會揭曉Change Agent’s相識嘅過程,讓大家了解下識新朋友嘅重點。

詳情

2020-09-24


【Chill Guide•求職】

今年應屆畢業生嘅求職之路可謂困難重重,招聘廣告減少,藝術畢業展取消!到底在求職真空期間,仲可以做什麼? 快啲入嚟聽吓我哋嘅看法和建議,同大家講吓、傾吓,一齊輕鬆吓啦!

詳情

2020-09-17


【Youth-Led Solutions】

一個代表香港,出席全球YMCA活動嘅機會嚟啦! World YMCA Youth-Led Solutions計劃現正接受報名,你可以參與一系列網上高峰會及小組討論,與來自世界各地嘅青年領袖商討有效減緩地球暖化嘅方案。除此之外,大家仲可以組隊申請種子基金,實踐自己嘅環境保護方案,為地球出一分力。9月30日截止,快啲報名啦!

詳情

2020-09-14


【ULife】

上莊係咪好CHUR㗎?一齊聽下讀緊香港中文大學訊息工程學Year 2嘅 Hannah又點講啦!

詳情

2020-09-11


【ULife】

除咗上堂,仲有咩方法可以令你嘅ULife更精彩?今次我哋搵嚟香港科技大學計量金融學Year 2嘅 Kelvin,分享佢嘅ULife!

詳情

2020-09-08


【ULife】

乜原來已經開咗學幾日?點解好似乜都冇做過嘅?大學生活就係咁Hea?不如聽吓讀緊香港理工大學會計學Year 2嘅 Jeffrey分享下佢嘅大學生活啦!

詳情

2020-09-03


【減緩地球暖化】

新學年,俾自己一個新挑戰!參加 World YMCA 嘅Youth-Led Solutions計劃,與全球各地青年領袖交流,一同為減緩地球暖化出一分力!

詳情

2020-08-31


【開學】

聽日開學,唔使返學校,但記得準時起身online呀!趁暑假最後一日,執定個靚位準備開視像,整理好課本文具,開開心心迎接新學年啦!

詳情

2020-08-30


【ULife】

入咗U,有冇諗住上莊?不如聽下University YMCA CCC CUHK第12屆學生幹事會主席Billy點講啦!

詳情

2020-08-27


【網上講座】

亞洲及太平洋基督教青年會協會將於2020年8月26日和9月9日(星期三)下午4時至5時半舉行"No Youth Should Be Left Behind" 網上講座,誠邀世界各地之青年會友和義工參與討論,了解現時青年在疫情下受到的社會和經濟影響,分享各地青年會如何照顧青年人的多方面需要,以及探討其他短中期的可行方法為協助青年人過渡疫情所帶來的危機。

詳情

2020-08-18


【傑青分享】

Jeffery Andrews,又叫安仔,係香港首位印度裔註冊社工,亦都係2019年十大傑出青年,依家主要從事難民同少數族裔人士工作。安仔將會透過網上直播,同大家一齊傾吓少數族裔年青人同社會間嘅連繫,分享一下佢從事社工工作嘅心路歷程啦!

詳情

2020-08-18


【JUPAS公布結果】

聽日就係JUPAS公布結果嘅日子,朝早9點鐘開始就可以登入JUPAS網站睇結果!祝願各位DSE考生入到心儀嘅學科。睇完結果,記得交留位費,同埋幾睇吓幾時之前要完成註冊手續呀!

詳情

2020-08-12


【國際青年日】

每年嘅8月12日係國際青年日,疫情或者令大家嘅生活有所改變,例如好耐冇返學,已經精於各種各類的線上會議及外賣優惠。就算係咁,YMCA都會一直陪住你,齊齊Level up!

詳情

2020-08-12


【Online面試技巧】

DSE考生們,你哋收到幾多個online interview?  想拎到最想要嘅offer,面試表現係好關鍵嘅一環。除咗要做好準備,多啲練習之外,如果有專家俾啲feedback、貼士,咁就更加好啦!  快啲報名參加YMCA新界會所嘅免費網上模擬面試班,一齊提升面試技巧啦!

詳情

2020-08-04


【Chill Guide•壞習慣】

我哋聽到你的煩惱啦!係咪好想知道有甚麼方法改善壞習慣呢?  今集我哋將會揭曉壞習慣排行榜頭三名,入嚟聽吓我哋對最困擾習慣的看法和建議啦!壞習慣唔怕有,就怕你唔改!

詳情

2020-07-30


【DSE放榜】

終於放榜,拎幾多分都好,你都係咁了不起,因為你哋經歷過一次最特別、最多變數嘅DSE!喺你身邊總有支持你嘅家人、朋友、師長、伙伴,有需要幫手嘅,一定要出聲!呢幾日都仲要處理揀科、搵學校等等嘅事,各位DSE考生加油呀!YMCA會一直陪住你!

詳情

2020-07-21


【"WE Together" 陪你放榜篇Part2】

幾位大學師兄師姐繼續同你分享選科升學及面試心得,陪你迎接DSE放榜。

詳情

2020-07-21


【"WE Together" 陪你放榜篇Part1】

聽日DSE放榜,搵學校、Interview有咩要注意?想睇吓師兄師姐嘅分享?即刻去片 。

詳情

2020-07-21


【陪你DSE系列 - JUPAS改選小貼士】

聽日DSE放榜喇! 疫情突然變得嚴峻,相信同學留喺屋企等放榜一定更加緊張,既擔心成績,又要諗適合自己嘅出路。 大家記得PLAN定唔同成績下自己嘅JUPAS改選計劃呀! 想知點揀最啱自己嘅學科?想知道多啲資訊俾自己做好決定?立即報名參加聽晚舉行嘅「同你輕鬆選JUPAS」,聽下一班來自不同院校嘅大學生義工以過來人身份分享自身選科經驗及大學生活等等,令自己掌握多啲升學資訊啦!

詳情

2020-07-21


【放榜準備篇】

2020中學文憑試(DSE)將於7月22日放榜,高中三年努力的成果即將在這天揭盅,相信不少考生和家長都為此而迫切期待。各位2020 DSE考生,你們此刻的心情是緊張?是興奮? 是期待?還是害怕? 然而,由於收取成績單的一刻都無法知道自己的實際成績,有足夠的自我裝備是非常重要!
大部分自資院校/專上學院一般會在放榜當天或者之後數天提供即場/網上面試,所以各位考生現在最應該做的是為放榜當日做好準備,以備不時之需。

詳情

2020-07-21


【一家大晒】

聽日早上10:30商業電台雷霆881「一家大晒」節目內有來自青年會中學嘅應屆DSE考生Melody及青年會書院社工William,同大家回顧備試心情、分享放榜前要做好嘅情緒準備,以及家長如何與子女同行嘅貼士,記得收聽啦!

詳情

2020-07-20


【Chill Guide • 升學與岀路】

下星期就喺放榜日,大家喺咪苦惱緊升學就業呢?唔洗擔心!入嚟聽吓我哋同一班嘉賓嘅分享,為升學就業做好萬全準備。

詳情

2020-07-16


【陪你DSE系列-JUPAS改選小貼士】

DSE下星期放榜啦!好擔心成績?有冇約朋友諗定「放榜前的一個晚上」做咩?做咩都好,都唔好唔記得大家JUPAS改選嘅機會。呢次改選可以加減課程選擇,亦可以嚟個「乾坤大挪移」重新排序,所以非常重要!想知多啲唔同學科同院校資訊,從過來人分享中率先感受一下U-Life?一定要報名參加放榜日網上舉行嘅「同你輕鬆選JUPAS」,一班來自不同院校嘅大學生義工好願意同大家分享心得!

詳情

2020-07-16


【插畫師】

仲有一個星期就放榜,各位DSE考生有冇少少緊張呢?其實DSE之後,好多決定都會對你嘅未來事業發展有重大影響。無論係升學進修,又或者進入職場,聽下過來人分享經驗,都可以幫你好好規劃。University YMCA BU 嘅師姐Isabelle就同大家分享佢成為插畫師嘅經歷,即刻去片啦!

詳情

2020-07-15


【《陪你DSE系列》:同你輕鬆選JUPAS 選科攻略】

考完DSE心情輕鬆晒!但就到放榜日,同學除咗緊張成績,仲要面對JUPAS嘅「24小時限定」改choice機會! 想唔想對唔同學系同大學生活了解更多,幫自己做個更好選擇?大學及學院青年會部搵嚟一班來自不同院校嘅大學生義工,以過來人身份向應屆DSE同學仔分享自身選科經驗及大學生活等等。有咁好嘅機會就唔好錯過喇!快啲報名,為自己掌握多啲升學資訊啦!

詳情

2020-07-14


【Chill Guide•升學與岀路】

7 月22日就係DSE放榜嘅日子,DSEr嘅心情一定好複雜啦!唔洗驚!喺放榜前,約定你一齊睇吓一班師兄師姐升學時嘅心路歷程同貼士,了解每條出路嘅特色!除此之外,我哋仲會教大家一系列減壓嘅簡單瑜伽動作,等大家可以一齊Chill一Chill!

詳情

2020-07-13


【Chill Guide】

少年,我哋知道你有好多煩惱,面對好多挑戰。但請記住,你並唔喺孤單一個!YMCA會一直陪住你!嚟緊我哋會推出Chill Guide,搵埋一班大學生以過來人身份分享。無論係規劃升學就業,又或者應付學校內嘅人際關係、自己嘅壞習慣等問題,我哋都會同你傾吓講吓放鬆吓!7月16日(四),8pm,約定你一齊上YMCA fb睇片!

詳情

2020-07-08


【DSE之後】

休息咗一排,又係時候為下一階段準備。放榜、升學、就業,有好多事要做決定,難免會有壓力。YMCA特意為DSE考生準備咗「應試後@出路指南」,幫大家做好生涯規劃,迎接新挑戰,快啲download再share俾朋友啦!https://cymca.hk/ymcadse3

詳情

2020-06-24


【"WE Connect"直播第五擊】

辛苦各位DSE考生啦!考完試,YMCA都會繼續陪住你。佐敦會所、藍田會所及石硤尾會所將會直播LIVE SHOW為各位同學送上祝福同鼓勵,約定你啦!

詳情

2020-05-28


【伴你DSE】

考埋今日,DSE所有筆試就考完晒啦!咪住,仲有體育同音樂科實習考試呀!青年會專業書院運動管理課程顧問Barry Sir同大家分享DSE體育實習考試嘅注意事項,即刻去片睇吓啦!

詳情

2020-05-25


【齊上齊樂 - 陪你DSE 系列】

DSE進入最後階段,好快又要準備放榜揀科in大學啦!YMCA嘅學校社工準備咗兩個攻略活動俾大家。

詳情

2020-05-19


【伴你DSE】

今日同各位考生分享幾個身體及心理調節嘅小貼士,幫大家keep住好狀態去應付考試!一齊睇吓YMCA學校社工部袁姑娘嘅講解啦。

詳情

2020-05-08


【伴你DSE】

考完中、英、數、通識等主要科目,DSE今日休戰一天,考生們都可以抽少少時間俾自己回吓氣。一齊睇吓YMCA 輔導組呢10個安穩情緒嘅方法,調整心情迎接餘下嘅科目!

詳情

2020-05-06


【伴你DSE】

見到仔女考試咁大壓力,做家長嘅點會話唔擔心。喺呢啲重要時刻,記得要用合適嘅技巧去關心仔女,避免令你嘅關心變成壓力。一齊睇下 觀塘會所施姑娘俾各位家長嘅親子溝通貼士啦!

詳情

2020-05-04


【應考Do's and Don'ts】

放咗兩日假,聽日又要考數學。提提你呢啲應考Do's and Don'ts,留意細節,咁就萬無一失啦!

詳情

2020-05-01


【應試中@五大策略】

今日考完Listening,有兩日假期。各位考生可以好好分配時間,溫書之餘,俾自己好好休息,做好準備迎接餘下嘅科目。YMCA特意準備咗呢份「應試中@五大策略」,同你一齊做好應試準備!考生、家長都啱用,快啲download再share俾朋友啦!

詳情

2020-04-29


【疫情下的DSE - 你問我答】

考咗幾科,大家習慣未?疫情之下,DSE考試都有特別安排。遇到突發情況,例如身體不適,咁點算好?睇吓呢份「疫情下的DSE - 你問我答」,事前了解各種特別安排,咁就唔駛擔心啦!

詳情

2020-04-27


【DSE應試準備】

考試除咗令考生有壓力,家長都會變得好緊張。其實,家長與仔女嘅情緒表現會互相影響,家長們記得先好好照顧自己,咁先可以全力支援仔女考試。一齊睇吓佐敦會所 袁姑娘分享幫助家長舒緩情緒壓力嘅小貼士啦!

詳情

2020-04-27


【伴你DSE】

DSE終於開考,下星期就到通識、語文等重要科目,考生們同家長唔多唔少都會有啲壓力。今日介紹「明陣」呢個小工具,幫助大家「心思靈、心緒靜」,以最佳狀態迎接考試挑戰!

詳情

2020-04-24


【DSE應試準備】

開考在即,疫情影響之下,除咗努力溫書之外,出入試場都要做好防疫準備!Are you ready?

詳情

2020-04-22


【伴你DSE】

開考在即,疫情影響之下,除咗努力溫書之外,出入試場都要做好防疫準備!Are you ready?

詳情

2020-04-22


【DSE應試準備】

仲有一個星期,DSE就開考啦!YMCA特意準備咗呢份「DSE應試準備」資料包,無論係考生或者家長都啱用,快啲Download再Share俾朋友啦!
Pdf下載:下載
Google Drive

詳情

2020-04-17


【DSE最新安排】

各位DSE考生留意,始終仲有變數,但唔怕!我哋一齊一邊溫書,一邊準備!
DSE考試4月24開考,7月22日放榜。 如疫情影響未能開考或暫停考試,有以下3個方案:
A. 5月22日開考 / 續考、8月中放榜
B. 6月11日開考 / 續考、8月底放榜
C. 6月11日仍未能開考 / 續考,考試取消,以校內成績評估 "

詳情

2020-04-16


【面對考試,調整心情】

教育局宣布,DSE落實4月24日開考,仲有大約一個星期時間準備,除咗作最後衝刺努力溫書之外,梗重要嘅係好好調整心情,面對考試。一齊睇下YMCA輔導組臨床心理學家余欣泉俾各位考生嘅建議啦!

詳情

2020-04-15


【保持好心情】

DSE究竟會點安排,到而家都仲未肯定。但我哋都要積極面對,keep住好心情,隨時迎戰!一齊睇吓 天晴會所 邱Sir同大家分享嘅幾個應試小貼士啦!

詳情

2020-04-08


【齊上齊樂】

各位應屆考生,今年DSE真係多變!唔駛怕,我哋一班YMCA嘅學校社工,連同一班大學生,中醫師同YouTuber,將會喺呢段期間透過網上會議app,陪大家吹吹水,放鬆吓,一齊走過DSE挑戰!

詳情

2020-04-07